सोमबार ०७ आषाढ २०७८

काठमाडौं। नेपालको कञ्चलपुर र भारतको पीलीभित जिल्लाबीचको अन्तर्राष्ट्रिय सीमा बन्द गरिएको छ । भारतको सशस्त्र सीमा बलले सीमामा गतिविधिहरु बन्द गरेको टाइम्स अफ इण्डियाले जनाएको छ । एसएसबीका एसपी जय प्रकाश यादवले सुन्दर नगर–बुन्दीभुर क्षेत्रको सीमा बन्द गर्न आदेश दिएको समाचारमा जनाइएको छ ।

८ जना नेपालीले भारतमा गएर त्यहाँको सुन्दर नगर गाउँका ३५ वर्षका बालवीर सिंहलाई कुटपिट गरेपछि तनाव भएको थियो । कुटपिट गरेको भोलिपल्ट अन्तर सीमा गतिविधिमा प्रतिबन्ध लगाइएको हो । पुलिसका अनुसार सिंह ३ दिनअघि नेपालको कञ्चनपुर आएका थिए । त्यतिबेला उनको केही स्थानीयसँग झडप भएको थियो । त्यतिबेला उनले मदिरा पिएको बताइएको छ ।

झडपको स्पष्ट कारण थाहा हुन सकेको छैन । केही स्थानीयले उनी मानव तस्करी र बेचबिखनमा संलग्न रहेको आरोप लगाएका छन् । एसएसबीको ४९ औं बटालियनका सहायक कमाण्डर एसपी उन्यालले भने ‘हामीले घटनाका दोषीहरुलाई कारवाही अगाडि बढाउन र यदि भएको भए मानव तस्करीको पनि अनुसन्धान गर्न नेपाली समकक्षीहरुसँग सहकार्य गरिरहेका छौं ।’


Last Updated on: January 14th, 2021 at 7:08 am
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
३९१ पटक हेरिएको

तपाईको प्रतिक्रिया