बुधबार ०३ कार्तिक २०७८

दोहा– वैदेशिक रोजगारीको लागि कुवेत पुगेकी एक नेपाली महिलाको मृत्यु भएको छ ।

घरेलु कामदारको रुपमा गैरकानूनी बाटो हुदैँ त्यहाँ पुगेकी मकवानपुर घर भएकी सरिता थिङको मृत्यु भएको हो ।

गैरकानुनी रुपमै कार्यरत रहेकी थिङको उपचारको क्रममा त्यहाँको आदान अस्पातलमा मृत्यु भएको कुवेतस्थित नेपाली दूतावास स्रोतले जानकारी दिएको ही ।

उनी अल्सरको बिरामी थिइन् । मृतकको परिवारसँग सम्पर्क गरी शव स्वदेश पठाउने तयारी गरिएको भए पनि गैरकानूनी बाट हुदैँ त्यहाँ पुगेको र स्पोन्सरको घरबाट समेत भागेको हुँदा शव नेपाल पठाउन आर्थिक समस्या भएको बताइएको छ ।

शव पठाउन समस्या भएपछि आर्थिक संकलन गर्न थालिएको सामाजिक अभियन्ता चन्द्र पाइजा पुनले जानकारी दिए ।

उनका अनुसार शव स्वदेश पठाउन ३९० कुवेती दिनार लाग्ने र दूतावासले पनि केहि गर्न नसक्ने भनेपछि आर्थिक संकलनको कार्य थालिएको उनले बताए ।


Last Updated on: January 14th, 2021 at 10:42 am
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
२४५ पटक हेरिएको

तपाईको प्रतिक्रिया