आइतबार १९ मंसिर २०७८

सडकमा स्पोर्ट बाइकमा चढेर स्टन्ट देखाउने एक युवती प क्राउ परेकी छिन् । यी युवतीले आफ्नो बाइक स्टन्टको भिडियो सामाजिक संजालमा शेयर गरेकी थिइन् ।

उनको त्यो भिडियो भाइरल भएपछि उनी प क्राउ परेकी हुन् । यी युवतीले स्टन्ट देखाएको पछिल्लो भिडियो भारतको गुजरात राज्यको सुरत शहरमा खिचिएको बताइएको छ ।

भिडियोमा उनले सुरतको सडकमा हात छोडेर बाइक कुदाइरहेकी थिइन् । उनलाई यसरी बाइक चलाएर अन्य यात्रुको ज्यान जोखिममा पारेको आरोप लगाइएको छ । यी युवती बारडोलीकी भएको बताइएको छ । उनी त्यहाँबाट केवल बाइक स्टन्टको भिडियो बनाउनका लागि ४२ किलोमिटर टाढा सुरत शहर जाने गरेकी थिइन् ।

पुलिसले यी युवतीलाई प क्राउ गरेको छ । उनीमाथि कोरोना गाइडलाइन अनुसार मास्क नलगाएको आरोप पनि लगाइएको छ । संजना नामकी यी युवती कलेजमा ग्रयाजुएसन दोस्रो वर्षकी छात्रा हुन् । उनको इन्स्टाग्राममा ३.२७ लाख फलोअर छन् । उनले अहिलेसम्म ८० भन्दा धेरै बाइक स्टन्टका भिडियो बनाइसकेकी छिन् ।


Last Updated on: March 12th, 2021 at 7:35 pm
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
२१८ पटक हेरिएको

तपाईको प्रतिक्रिया