आइतबार १९ मंसिर २०७८

काठमाडौं । खराब मौसमसँगै प्रदुषणले राजधानी उपत्यका ढाकिएको छ । बिहानैदेखि धुम्म काठमाडौं दिउँसो तुवालोले भरिएको छ । प्रतिकुल मौसमी अवस्थाका कारणले प्रदूषित हावा उपत्यकाभित्रै जाम भएको छ । यो रिलिज नहुँदासम्म काठमाडौंको आकाश सफा हुने छैन ।

जल तथा मौसम विज्ञान विभाग मौसम पूर्वानुमान महाशाखाका अनुसार पश्चिमी वायुको प्रभाव र वायुमण्डलमा जम्मा भएका धुलोका कणका कारण उपत्यका तुवालोले ढाकिएको हो । उपत्यकासँगै केही पहाडी भू-भागको मौसम समेत बदली भएको छ ।

वायु प्रदूषण खतराको तहमा पुगेपछि वातावरण विभागले बालबालिका, वृद्धवृद्धा, श्वासप्रश्वासका र मुटुका विरामी सकेसम्म घर बाहिर ननिस्कन आग्रह गरेको छ । बिहान र बेलुकाको समयमा प्रदूषण अत्याधिक बढेको पाइएकाले घर बाहिर निस्कदा विशेष सावधानी अपनाउन विभागले सुझाएको छ ।

त्यस्तै तराई क्षेत्रका सहरहरूमा पनि वायु प्रदूषणको मात्रा उच्च भएकाले सावधानी अपनाउन अनुरोध गरिएको छ । फोहोर र आगो बाल्दा वायु प्रदूषण बढ्ने भएकोले यस्तो कार्य नगर्न आग्रह गरिएको छ । केही दिन अघिदेखि नै उपत्यकाको आकाश धुम्म भएको थियो ।

शुक्रबार तुवालोले उपत्यका पूरै ढाकिएको छ । राजधानीबासीको स्वास्थ्यमा यसले नकारात्मक असर पार्ने खतरा देखिन्छ । राजधानीबासीले हावामा धुँवाको गन्ध मात्रै होइन्, आँखा, घाँटी पोल्ने समस्या पनि बढेको अनुभव गरेका छन् । अनौठो खालको उकुसमुकुसको अनुभव भइरहेको छ ।


Last Updated on: March 26th, 2021 at 4:54 pm
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
१११३ पटक हेरिएको

तपाईको प्रतिक्रिया