बुधबार ०३ कार्तिक २०७८

गायिका निशा कंडेलले आफ्नो नयाँ गीत ‘तस्बिर २ (ओ प्रिया)’ को म्युजिक भिडिओ सार्वजनिक गरेकी छिन्।रोमान्टिक भर्सनको यस गीतमा उनलाई युवा गायक अमन प्रधानले स्वरमा साथ दिएका छन्। ‘तस्विर’ बोलको निरन्तरता रहेको यस गीतलाई तस्विरकै गीतकार बिष्णुबाबु देवकोटाले लेखेका हुन्। टिका दहालले संगीतवद्द गरेको यस गीतलाई राहुल प्रधानले संगीत संयोजन गरेका हुन्।

म्युजिक भिडिओमा दर्शक स्रोतामाझ लोकप्रिय कलाकार आकाश श्रेष्ठ र पुजा शर्माको जोडीलाई प्रस्तुत गरिएको छ। यस अघिको ‘तस्विर’ भिडि ओमासमेत यहि जोडीको अभिनय रहेको थियो।बुद्ध थापाले छायांकन गरेको यस भिडिओलाई विकाश धमलाले सम्पादन गरेका हुन्। निकेश खड्काको निर्देशनमा भिडिओ तयार पारिएको हो।

लिजेन्स इन्टरनेशनलको एजुकेशनको प्रस्तुति रहेको यस भिडिओलाई गायिका कंडेलको आधिकारिक च्यानल मार्फत सार्वजनिक गरिएको हो। यसअघि गायिका कंडेलले ‘सधैँलाई’, ‘नेपाली छोरी’, ‘म के भनौँ’ म्युजिक भिडिओहरु सार्वजनिक गरिसकेकी छन्।


Last Updated on: April 3rd, 2021 at 2:14 pm
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
९५९ पटक हेरिएको

तपाईको प्रतिक्रिया