आइतबार ०७ कार्तिक २०७८

बाहुबली’ फेम अभिनेता प्रभासले अब रिलमा कट्रीनासंग रोमान्स गर्ने भएका छन् । उनको नयाँ फिल्म ‘सलार’ को हैदाराबादमा सुटिङ शुरू भइसकेको छ । केही दिन अघिमात्र फिल्मको सेटमा मुहुर्त पूजा गरिएको थियो । पूजामा ‘केजीएफ २’ स्टार यश पनि उपस्थित थिए । उनीहरुको तस्वीर सामाजिक सन्जालमा भाइरल भएको थियो ।
फिल्ममा अभिनेत्रीका लागि ‘बागी’ स्टारर अभिनेत्री दिशा पटानी फाइनल भइसकेको समाचार केही दिन अघि आएको थियो । तर अहिले भने फिल्ममा दिशाको स्थानमा कटरीना कैफ फाइनल भइसकेको नयाँ खबर आएको छ । फिल्मका निर्माताले दिशालाई भन्दा पनि कटरीनालाई बढी मनपराएका छन् ।यद्यपि निर्माताले हालसम्म यो विषयमा कुनै घोषणा गरेका छैनन् । तर यो घोषणा भयो भने दक्षिण भारतीय फिल्मका लागि एउटा ठूलो सफलता साबित हुने त्यहाँका फिल्म विश्लेषकहरुको बुझाइ छ ।
यदी कटरीनाले यो फिल्ममा काम गर्न सहमति जनाइन् भने उनका लागि यो निर्णय घर फर्किए सरह हुनेछ । किनकी सन् २००५ मा नन्दमुरी बालकृष्ण स्टारर फिल्म ‘अल्लारी पिद्दुगु’ पछि कटरीना कुनै पनि टलिउड फिल्ममा देखिएकी छैनन् । उनले सन् २००४ मा फिल्म ‘मल्लेसवरी’बाट तेलुगु फिल्ममा पाइला चालेकी थिइन् । त्यसपछि उनी बलिउडमा नै व्यस्त भइन् ।


Last Updated on: January 21st, 2021 at 7:58 pm
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
२०६ पटक हेरिएको

तपाईको प्रतिक्रिया