बिहिबार १० आषाढ २०७८

श्वास गन्हाउने समस्याले धेरैलाई दु:ख दिएको हुन्छ । साधारणतया नियमित मुख सफा नगर्दा, दाँत नमाझ्दा, वा खानपानको गडबडीले मुख गन्हाउने समस्या हुन्छ । तर कतिपय मानिसमा नियमित सरसफाइका बावजुद सास र मुख गन्हाउने समस्या हुन्छ ।

मुख गन्हाउनुको धेरै कारणहरु हुन सक्छन्, जस्तै गलत खानपान, पेटको समस्या, दाँत वा मुखको सरसफाई नहुनु आदिले मुख गन्हाउने गर्दछ ।

धेरैले यसलाई सामान्य समस्या मान्दछन् । तर अवस्था अनुसार यो गम्भिर रोगको संकेत पनि हुनसक्छ । त्यसैले समयमै मुख तथा श्वास गन्हाउने समस्याबारे जानकारी हुन आवश्यक छ ।

कस्तो अवस्थामा मुख गन्हाउने समस्या खतरनाक ?
– मुखमा घाउ खटिरा आएमा ।
– गाँठागुँठी आएमा
– गिजा पाकेमा
– दाँतमा किरा लागेमा
– खाल्डो परेमा तथा दाँत राम्ररी सफा नभएमा
यस्ता समस्या भएमा मुखको क्यान्सर, मधुमेह, स्वास प्रश्वासनलीमा, मृगौलामा समस्या उत्पन्न भएको हुनसक्छ ।

मुख गन्हाउने समस्याबाट बच्न के गर्ने ?
– नियमित बिहान बेलुका राम्ररी ब्रस गर्नुहोस् ।
– मुखमा घाउ भए मनतातो पानीमा नुन हालेर कुल्ला गर्ने ।
– निमको पातलाई पिसेर मनतातो पानीमा हालेर कुल्ला गर्ने ।
– बाहिर निस्कदा चुइगम, ल्वाङ, सुकुमेल टुक्रा चपाउने ।
– समस्या दीर्घकालिन देखिएमा चिकित्सकको परामर्श लिने ।


Last Updated on: January 22nd, 2021 at 5:44 am
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
१०३६ पटक हेरिएको

तपाईको प्रतिक्रिया