बिहिबार १० आषाढ २०७८

देशमा गणतन्त्र र संघियता आए पनि सामान्य नागरिकको जीवन र दैनिकीमा खासै परिवर्तन नआएपछि आम मानिसहरुमा निराशापन देखिन थालेको छ ।

देशमा पार्टीहरुबीच सत्ताको लागि खिचातानी र रस्साकस्सीको फोहोरी खेलले जनताहरु आजित हुन थालेका अभिव्यक्तिहरु सार्वजनिक हुन थालेका छन् ।

नायिका करिश्मा मानन्धरले राजनीतिबाट वाक्क भइयो भन्दै १० घन्टामा ४ वटा स्टाटस् लेखेकी थिइन् भने पूर्वयुवराज पारसकी छोरी कृतिका शाहले पनि देशको राजनीतिदेखि आजति भएको भन्दै ट्विट गरेकी छिन् ।

नेताहरुको कामबाट निराश बनेकी पारसकी छोरी कृतिका शाहले “बैगुणी रहेछौ गणतन्त्र जनतालाई ठूलो सपना देखाउने, थाहा नपाई जनतालाई कङ्गाल बनाएर देश लुट्ने” ट्विट राखेकी छिन् ।

हुन पनि अहिले नेताहरु जनताको बारेमा सोच्ने, जनतलाई के गर्दा सजिलो हुन्छ भन्ने कुरामा दिमाग खियाउनु भन्दा आपसी खिचातानी व्यस्त रहेको अवस्थामा कृतिकाको स्ट्याटस सान्दर्भिक देखिन्छ ।

ट्विटरमा ९ हजार आसपास फ्लोअर्स कमाएकी शाहको उक्त ट्विट यो समाचार तयार पार्दासम्म १ हजार १ सय ले मन पराएका छन् भने ४२ जनाले रिट्विट गरेका छन् त्यस्तै ४१ जनाले उक्त ट्विटमा आफ्नो प्रतिक्रिया दिएका छन् ।


Last Updated on: January 22nd, 2021 at 6:34 am
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
३९३ पटक हेरिएको

तपाईको प्रतिक्रिया