बिहिबार १० आषाढ २०७८

आज विवाह बन्धनमा बाँधिएका प्रदेश १ का मुख्यमन्त्री शेरधन राई र ज्याङ्मु इन शेर्पालाई प्रधानमन्त्री केपी शर्मा ओलीले बधाई तथा शुभकामना दिएका छन् ।

सन् २०१८ की ‘मिस मंगोल नेपाल’ ज्याङ्मु शेर्पासँग विवाह गरेका मुख्यमन्त्री राईलाई काठमाडौंको नक्सालस्थित एलिस रिसेप्शनमा भइरहेको भोज मा पुगेर प्रधानमन्त्रीले बधाई दिएका हुन् ।

एलिस रिसेप्शनमा नक्सालस्थित प्रहरी मुख्यालय पछाडि पर्दछ ।

मुख्यमन्त्री राईले २३ वर्षीया मोडल जाङ्मु ईन शेर्पासँग लगनगाँठो कसेका हुन् । उनीहरु केही समयदेखि प्रेम सम्वन्धमा थिए ।

मुख्यमन्त्री राई र जाङ्मु को उमेरअन्तर निकै फरक छ । प्रेममा उमेर र वर्गले छेक्दैन भन्ने भनाइलाई मुख्यमन्त्री राई र जाङ्मुले चरितार्थ गरेका छन् । स्रोतका अनुसार उनीहरु करिब एक वर्षयता प्रेममा थिए ।

विदेशमा राजनीतिज्ञ तथा सरकारी उच्च अधिकारीहरुले मोडल तथा सेलिब्रेटीहरुसँग विवाह गरेको थुप्रै उदाहरणहरु छन् । अमेरिकाका वर्तमान राष्ट्रपति डोनाल्ड ट्रम्पकी दोस्रो पत्नी मेलानिया पनि एक चर्चित मोडल हुन् ।

अमेरिका र युरोपमा यस्ता थुप्रै उदाहरण छन् । तर, नेपालमा भने पहिलोपटक बहालवाला मुख्यमन्त्रीले मोडलसँग विवाह गर्न लागेका हुन् । यो नेपाली राजनीतिक बृत्तका लागि सम्भवत पहिलो र नौलो हुनसक्छ ।

केही समगअगाडी “म मुख्यमन्त्रीको श्रीमती हुँ” भन्दै अदालतमा अंशमुद्दा समेत दायर गरेकी बालिका खड्काले मुख्यमन्त्रीमाथि मानवअधिकार र महिला आयोगमा उजुरी दिएकी छिन् ।


Last Updated on: January 24th, 2021 at 8:52 pm
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
९५२ पटक हेरिएको

तपाईको प्रतिक्रिया