आइतबार ०७ कार्तिक २०७८

बलिउड अभिनेता ऋतिक रोशनले सन् २००० मा फिल्म ‘कहो ना प्यार हे’ बाट अभिनयमा ‘डेब्यू’ गरे ।

पहिलो फिल्मले नै उनलाई रातारात स्टार बनाइदियो । यो फिल्म रिलिज पछि ऋतिक यति लोकप्रिय भए कि उनलाई झन्डै तीस हजार युवतीले विवाहको प्रस्ताव पठाए । हालैको एक अन्तरवार्तामा ऋतिकले यो कुराको खुलासा गरेका हुन् ।

‘पहिलो फिल्म नै हिट भएपछि झन्डै ३० हजार युवतीले विवाहको प्रस्ताव पठाए’ उनले भनेका छन्, ‘यो घटनापछि मलाई मनपराउने मान्छे कति रहेछन् भन्ने थाहा भयो । घरमा बुवा राकेश रोशन पनि छक्क पर्नुभयो ।’ फिल्म ‘कहो ना प्यार हे’बाट अभिनेत्री अमिषा पटेलले ऋतिकसँगै बलिउडमा ‘डेब्यू’ गरेकी थिइन् । यो फिल्मका सबै गीत हिट साबित भइसकेका छन् ।

कामको कुरा गर्दा ऋतिक पहिलोपटक अभिनेत्री दीपिका पादुकोणसँग अनस्क्रिन रोमान्स गर्दैछन् । सिद्धार्थ आनन्दले निर्देशन गर्ने फिल्मको नाम ‘फाइटर’ राखिएको छ । फिल्ममा ऋतिक पाइलटको भूमिकामा देखिदैछन् । यो फिल्म हलिउड अभिनेता टम क्रुजको फिल्म ‘टप गन’बाट प्रभावित रहेको जनाइएको छ ।

ऋतिक अभिनेत्री दीपिकासँग रोशन मधु मन्टेनाको फिल्म ‘रामायण’मा देखिँदैछन् । फिल्ममा ऋतिक राम र दीपिका सीताको चरित्रमा देखिनेछन् ।


Last Updated on: January 30th, 2021 at 12:23 pm
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
२०४ पटक हेरिएको

तपाईको प्रतिक्रिया