शुक्रबार ०४ आषाढ २०७८

मुम्बई(एजेन्सी)– दक्षिण भारतीय सुपरस्टार प्रभास यो समयमा ‘केजीएफ २’ फेम्ड निर्देशक प्रशान्त नीलको नयाँ फिल्म ‘सलार’का कारण चर्चामा छन् ।

फिल्ममा उनले अभिनेत्री श्रुती हसनसँग रोमान्स गर्दैछन् । केही समय अघिदेखि नै फिल्मको सुटिङ सेटका केही तस्बिर सामाजिक सन्जालमा भाइरल भइरहेका छन् । तर फिल्मसँग जोडिएको एक नयाँ खबर बाहिर आएको छ । खबर अनुसार यो फिल्ममा नक्सलवादीको आँखा परेको छ ।

यो फिल्मका लागि निर्माताहरुले खुल्ला कोइला खानीलाई सुटिङको स्थल छनोट गरेका थिए । फिल्म निर्माताले कोलार गोल्ड फिल्ड्सका लागि लोकेसन रोजे पनि पछि उनीहरुले गोदावरीखानी कोल माइन्स छनोट गरे ।

फिल्मको महत्वपूर्ण दृश्यलाई गोदावरीखानी कोल माइन्समै छायांकन गर्ने निर्णय लिए । यो स्थान नक्सलवादी अति प्रभावित क्षेत्र हो । जसकारण टिममाथि खतराको छायाँ देखिएको थियो । यो स्थानमा अवैध रुपमा कोइला निकाल्ने क्रम बढेपछि आपराधिक घटनाको संख्या पनि उत्तिकै छ । त्यहीकारण पनि यो स्थानमा सुटिङ गर्नु उत्तिकै जोखिमपूर्ण थियो ।

यो क्षेत्रमा सुटिङ शुरु हुनु अघि प्रभासले रामागुंडमको प्रहरी अधिकृत वी सत्यनारायणसँग भेटघाट गरेका थिए । प्रहरीले फिल्म युनिटको सुरक्षा गर्ने आश्वासन दिएपछि सुटिङ शूरु भएको थियो । अहिले यो स्थानमा करिब ४० प्रहरीको कडा निगरानीमा सुटिङ भइरहेको छ ।

प्रभास यो फिल्मको सुटिङ ४५ दिनमा पुरा गर्ने योजनामा छन् । फिल्मको छायांकन जनवरी अन्त्यबाट शुरु भएको हो ।


Last Updated on: February 3rd, 2021 at 8:46 am
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
१२८ पटक हेरिएको

तपाईको प्रतिक्रिया