शुक्रबार ०४ आषाढ २०७८

दोहा- कतारमा कोरोना भाइरस (कोभिड-१९) संक्रमण बढ्दै गएपछि स्वास्थ्य सुरक्षाका मापदण्ड सार्वजनिक गरेको छ ।

घरबाट बाहिर निस्कँदा मास्क अनिवार्य लगाउनुपर्ने, कुनै पनि कामका लागि बाहिर निस्कँदा चालु अवस्थामा रहेको एह्तराज हुनुपर्ने, घरभित्र वा बन्द स्थानमा ५ जना र खुल्ला स्थानमा १५ जनाभन्दा वढी भेला हुन नपाईने नियम लगाइएको छ ।

सार्वजनिक पार्क, सार्वजनिक तटहरू, कर्निसलगायत अन्य सार्वजनिक स्थानमा १५ जना भन्दा बढी भेला हुन नपाईने, सवारी साधनमा चालकसहित ४ जनाभन्दा बढी यात्रा गर्न नपाईने जस्ता मापदण्ड जारी गरेको छ ।

कतारले यसअघि जारी भएका कोभिड सुरक्षा सावधानीका कैयौँ नियमहरू बिहीबारदेखि पुनः लागू गरिएको जनाएको छ ।

सरकारले जारी गरेको ३२ बुँदे सूचना पूर्ण रुपमा पालना गर्न कतारमा कार्यरत रहेका नेपाली समुदायलाई दूतावासले अनुरोध गरेको छ ।

जारी स्वास्थ्य सुरक्षाका प्रावधानहरु उल्लंघन भएको पाइएमा उल्लंघन गर्नेलाई २ लाख कतारी रियालसम्म जरिवाना तथा ३ वर्षसम्म कैद सजाय गर्ने पनि चेतावनी कतार सरकारले दिएको छ ।


Last Updated on: February 6th, 2021 at 6:52 am
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
१८० पटक हेरिएको

तपाईको प्रतिक्रिया