शुक्रबार ०४ आषाढ २०७८

मुम्बई(एजेन्सी)– बलिउडका दुई दिग्गज अभिनेता दिलीप कुमार र राज कपूरको पैतृक घर विगत केही समयदेखि लगातार चर्चामा छ ।

यी दुई कलाकारको यो घर पाकिस्तानको खैबर पख्तूतख्वा प्रान्तमा छ । विगत केही समययता उनीहरुको यो घरलाई पाकिस्तान सरकारले संग्राहलय बनाउने निर्णय गरेको चर्चा चलेको थियो । त्यसका लागि पाकिस्तान सरकारले दुवै कलाकारको घर हेर्ने मालिकसँग घर किन्ने प्रक्रिया शुरु गर्न लागेको थियो ।

सरकार र मालिकबीच घरको मूल्यका विषयमा सहमति पनि भइसकेको थियो । तर अहिले भने सरकारलाई उक्त घर बेच्नका लागि मालिक असहमत भएका छन् ।

दिलीप कुमारको घरका मालिक हाजी लाल मुहम्मदले सरकारसँग प्राइम लोकेसनमा भएको यो घरका लागि २५ करोड रुपैंयाँ मागेका छन् । जबकी यो घरको लागि पाकिस्तानको सरकारले ८० लाख ५६ हजार रुपैंयाँ निर्धारण गरिसकेको छ ।

दिलीप कुमारको पेशावरस्थित प्रवक्ता फैसल फारुकीले सञ्चारमाध्यमसँग भारतीय दिग्गज अभिनेता दिलीप कुमारको हृदयमा पेशावर बस्ने गरेको बताए । ‘उनी जहिल्यै मोहल्ला खुदादमा आफ्नो जन्मस्थान र पैतृक घरसँग जोडिएका मिठा सम्झनाबारे चर्चा गर्छन्’, प्रवक्ताले भनेका छन् । सन् १९३५ मा भारत स्थानान्तरण हुनु अघि दिलीप यही घरमा सन् १९२२ मा जन्मिएका थिए ।

पाकिस्तान सरकारले यसै महिनाको शुरुवातमा राज कपूर र दिलीप कुमारको पैतृक घरहरु किन्नका लागि २ दशलमब ३५ करोड रुपैंयाँ निकासा गर्न मञ्जुरी दिएको थियो ।

दिलीपको चार मरला घरको मूल्य ८० दशमलब ५६ लाख रुपैंयाँ तोकिएको थियो । जबकी राज कपूरको ६ मरला घरको मूल्य १ दशमलब ५० करोड तय गरिएको छ । यो घर खरिद गरेपछि दुवैलाई खैबर पख्तुनख्वाको पुरातत्व विभागले संग्राहलयमा परिणत गर्नेछ ।

यद्यपि दुवै कलाकारको पैतृक घरको मालिकले सरकारद्वारा निर्धारित मूल्यमा घर बेच्न अस्वीकार गरेको छ । घर मालिक हाजी लाल मुहम्मदले जमिन हस्तान्तरणको लागि सबै अत्यावश्यक औपचारिकता पुरा गरेपछि सन् २००५मा ५१ लाख रुपैंयाँमा खरिद गरेका थिए ।


Last Updated on: February 9th, 2021 at 9:06 am
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
१८० पटक हेरिएको

तपाईको प्रतिक्रिया