आइतबार ०७ कार्तिक २०७८

अमेरिकी पूर्वराष्ट्रपति डोनाल्ड ट्रम्पका वकिलहरुले उनीमाथि लागेको महाअभियोगको बचाउ गरेका छन् ।

जनवरी ६ मा संसद भवनमा भएको हिंसात्मक आक्रमणपछि महाअभियोग झेलेका ट्रम्पको बचाउनमा वकिलहरूले क्यापिटल हिलमा भएको आक्रमणमा उनको कुनै संलग्नता वा भूमिका नरहेको दाबी गरेका छन् ।

संसद भवनमा आक्रमण गर्ने पूर्वराष्ट्रपतिका समर्थकहरु ट्रम्पको उक्साहटले नभइ आफ्नै विवेकले सहभागी भएको दाबी वकिलहरुले गरेको बीबीसीले जनाएको छ ।

ट्रम्पमाथि लागेको महाभियोगमाथि माथिल्लो सदन सिनेटमा मंगलबारदेखि सुनुवाई सुरु हुँदैछ।

तर, महाअभियोगको सुनुवाइमा आफू सहभागी नहुने ट्रम्पले अडान लिँदै आएका छन् ।

गत महिना तल्लो सदन हाउस अफ रिप्रेजेन्टेटिभ्सले दोस्रो पटक ट्रम्पमाथि महाभियोग लगाएको थियो।

हिंसात्मक कदम चाल्न समर्थकलाई उक्साएको आरोपमा ट्रम्पमाथि दोस्रोपटक महाभियोग लागेको हो ।

यसअघि ट्रम्पमाथि सन् २०१९ को अन्त्यमा शक्तिको दुरुपयोगसहितका आरोपमा महअभियोग लागेको थियो । तर माथिल्लो सदन सिनेटबाट सो प्रस्ताव पारित भएको थिएन ।


Last Updated on: February 9th, 2021 at 6:16 pm
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
२१५ पटक हेरिएको

तपाईको प्रतिक्रिया