बिहिबार १० आषाढ २०७८

बलात्कार घटनाको विरोधमा बृहत्त नागरिक आन्दोलन अभियानले सिंहदरवारमा महिला मार्चपास गर्ने भएको छ । अभियानले एक अपिल जारी गर्दै शुक्रबार बृहत्त मार्चपास गर्ने जनाएको छ ।बलात्कारका घटना हुन नदिन सरकारले यथेष्ट पहल गर्न नसकेको अभियानकर्ताहरुले आरोप लगाएका छन् ।

एक पछि अर्को बलात्कारका घटना हुँदा पनि मुकदर्शक भएको उनीहरुले अपिलमा उल्लेख गरेका छन् ।‘सयौं अपराधिको पहरेदारी गर्ने सत्ता चाँहिदैन ।’ भनिएको छ । मोहना अन्सारी, प्रणेता, कैलाश राई, अर्चना थापा, प्रणिका कोयू, दोभान राई, रिता साह, प्रकृति भट्टराई बस्नेत, रिता परियारले संयुक्त रुपमा अपिल गरेका हुन् ।

उनीहरुले मैना सुनुवारदेखि निर्मला पन्त, अंगिरा पासीदेखि भागरथी भट्टसम्म यो सिलसिला अब सधैँका लागि बन्द हुनुपर्ने, पीडितले न्याय पाउनुपर्ने माग गरेका छन् । पुरुषप्रधान कानुन र सत्ताका आडमा कुनै अपराधी र बलात्कारीले उन्मुक्ति पाउन नहुने अभियानकर्ताहरुको भनाइ छ ।-दृष्टिबाट


Last Updated on: February 10th, 2021 at 4:05 pm
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
२०६ पटक हेरिएको

तपाईको प्रतिक्रिया