शुक्रबार ०४ आषाढ २०७८

२७ पौष, काठमाडौं । कोरोना सँगसँगै अघि बढेको विश्वका धेरै राष्ट्रले कोरोनाका कारणलगाइएका प्रतिबन्धहरु हटाएर पूर्ववत अवस्थामा मुलुकलाई अघि बढाएका छन् भने कही राष्ट्रले अझै पनि कोरोनाविरुद्धका प्रतिबन्ध यथावत राखेका छन् ।

पछिल्लो समय कोरोनाको दोस्रो स्वरुप आएपछि यूरोपका केही राष्ट्रहरु थप प्रतिबन्धहरु लागेका छन । कोरोनाको उद्गम भनिएको चीनको एक सहरमा पनि संक्रमण देखिएपछि पुन लकडाउनको घोषणा गरिएको छ ।

यसरी हेर्दा संक्रमणको अवस्था अनुसार विभिन्न राष्ट्रमा कोरोनाका विभिन्न नितिहरु अख्तियार गरिएको छ । कोरोनासँगै अघि बढेको नेपालमा पनि धेरै प्रतिबन्धहरु हटिसकेका छन भने प्रतिबन्ध लागेका सिनेमा हल, पार्टी प्यालेस, विद्यालय लगायतपनि खुलाउने तयारी भईरहेको छ ।

उता नेपालीहरुको श्रम गन्तब्य साउदी अरेबियाले कोरोनाका कारण लगाएको सबैखाले प्रतिबन्धहरु आगामी मार्च ३१ तारिखदेखि पूर्ण रुपमा हटाउने भएको छ ।

साउदीले सबै अस्थायी यात्रा प्रतिबन्ध हटाउने र सबै अन्तर्राष्ट्रिय उडानहरू पुनः सुरु गर्ने निर्णय गरेको त्यहाँको आन्तरिक मन्त्रालयलाई उदृत गर्दै साउदी प्रेस एजेन्सीले जनाएको छ ।

प्रतिबन्ध हटेपछि साउदी आउने र त्यहाँबाट जाने सबै अन्तराष्ट्रिय उडानहरू सामान्य अवस्थामा झैं नियमित सञ्चालन हुनेछ भने नागरिकहरूलाई देश बाहिर यात्रा गर्न र फिर्ता आउन अनुमति दिइनेछ।

मन्त्रालयका अनुसार सम्बन्धित अधिकारीहरूसँगको समन्वयमा कोरोना फैलावट रोक्न सबै आवश्यक सावधानीहरूको बीचमा सम्बन्धित समितिले तोकेको प्रक्रिया र सावधानी अनुरूप हुने जनाएको छ ।

त्यहाँ हालैका दिनहरूमा नयां संक्रमितको संख्या सय भन्दा कम हुनेगरेको छ । त्यहाँ कार्यरत नेपालीसहित अन्य आप्रबासी कामदारहरुलाई पनि यो खोप निः शुल्क रुपमा लगाईरहेका छन् ।

साउदीले कोरोना संक्रमणका करण विगत लामो समयदेखि हवाई उडान लगायत सबैखाले यात्रामा प्रतिबन्ध लगाएको थियो । साउदीको प्रतिबन्ध हटाउने घोषणासंगै त्यहाँबाट नेपाल फर्किने तथा नेपालदेखि साउदी फर्किने नेपाली कामदारहरुलाई सहज हुनेछ ।


Last Updated on: January 11th, 2021 at 2:36 pm
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
१७४ पटक हेरिएको

तपाईको प्रतिक्रिया