मंगलबार ०९ कार्तिक २०७८

मुम्बई–बलिउड अभिनेत्री दीपिका पादुकोण ‘मस्ट भ्यालुड फीमेल सेलेब’ बनेकी छन् । डफ एण्ड फेल्प्सले जारी गरेको ‘सेलेब्रिटी ब्राण्ड भ्यालुएसन स्टडी २०२०’मा दीपिकाले यो उपलब्धि हासिल गरेकी हुन् ।

समाचारअनुसार दीपिकाको ब्राण्ड भ्यालु ५० दशमलब ४ मिलियन डलर छ । यो सूचीमा दीपिका पछि अभिनेत्री आलिया भट्ट ४८ मिलियन ब्राण्ड भ्यालुका साथ दोस्रो स्थानमा छिन् । उनीहरुको ब्राण्ड भ्यालु अभिनेता सलमान खानको भन्दा बढी छ ।

टेलिकम रेग्युलेटरी अथोरिटी अफ इण्डिया(ट्राई)ले दीपिकालाई सन् २०१९ को सबैभन्दा ‘भरोसा योग्य फीमेल सेलिब्रेटी’को सूचीमा पहिलो स्थानमा राखेको थियो । दीपिकाको सामाजिक सञ्जालमा पनि फ्यान फलोइङ राम्रो छ । उनको इन्स्टाग्राममा २५ मिलियन बढी र ट्विटरमा ३० मिलियन बढी फलोअर्स छन् ।

पुरुषतर्फको ब्राण्ड भ्यालुमा भारतीय क्रिकेट टिमका कप्तान विराट कोहली पहिलो स्थानमा छन् । यो सूचीमा उनले अभिनेता अक्षय कुमार, रणवीर सिंह, शाहरुख खान, सलमान खान र अमिताभ बच्चन जस्ता स्टारलाई पछि पारेका छन् ।


Last Updated on: February 11th, 2021 at 10:58 am
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
३२५ पटक हेरिएको

तपाईको प्रतिक्रिया