मंगलबार १९ साउन २०७८

आमिर खानकी छोरी इराले अन्ततः नुपुर शिखरेसँगको आफ्नो सम्बन्धलाई आधिकारिक गरेकी छिन् । इराले यसका लागि भ्यालेन्टाइन्स विक छानेकी छिन् ताकि उनले आफ्नो प्रेम उजागर गर्न सकून् । इराले आफ्नो र नुपुरका केही तस्बिर पनि सोसल मिडियमा सेयर गरेकी छिन् । जसमा यी दुईबीचको केमेस्ट्री स्पष्ट रुपमा देख्न सकिन्छ । इराले पोस्टमा लेखेकी छिन्, ‘तिमीसँग र तिम्रालागि वचन लिनु एक सम्मान हो ।’

नुपुरले कमेन्टमा लेखे ‘आइ लभ यू’

इराले यो पोस्टसँग थुप्रै ह्याश ट्याग लेखेकी छिन् । जसमा उनले यो स्पष्ट पारेकी छिन् कि नुपुर उनका भ्यालेन्टाइन र ड्रीम बोय हुन् । इराको यो पोस्टमा थुप्रै सेलिब्रिटीले कमेन्ट गरेर उनीहरुको सम्बन्धलाई प्रेम दिएका छन् । नुपुर आफैंले पनि इराको पोस्टमा रेड हार्ट इमोजीसहित आई लभ यू लेखेका छन् ।

स्मरण रहोस्, नुपुर आमिर खानका फिटनेस कोच हुन् । यी दुई करिब ९ महिनादेखि प्रेम सम्बन्धमा छन् ।

इरा र नुपुर हालै आमिर खानको महाबलेश्वर फार्महाउसमा छुट्टी मनाउन गएका थिए । इराले नुपुरलाई आफ्नी आमा रिना दत्तसँग पनि भेट गराएकी छिन् ।


Last Updated on: February 12th, 2021 at 10:16 am
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
३२० पटक हेरिएको

तपाईको प्रतिक्रिया