मंगलबार १९ साउन २०७८

मुम्बई–बलिउड अभिनेता प्राणले आफ्नो अभिनय करियरमा झण्डै ३ सय ५० बढी फिल्ममा अभिनय गरे ।

सकारात्मक होस् या नकारात्मक भूमिका, उनलाई दुवै भूमिकामा दर्शकले उत्तिकै रुचाए । उनलाई दर्शकले भिलेन चरित्रमा बढी मनपराए । बलिउडमा एक चुरोटले प्राणको भाग्य फेरिएको किस्सा अझै लोकप्रिय छ ।

प्राण चुरोटको सौखिन थिए । उनलाई चुरोटको लत कक्षा ६ मा पढ्दादेखि सुरु भएको थियो । एकपटक प्राण चुरोट लिन पान पसलमा गएका थिए । जहाँ उनको भेट लेखक मोहम्मद वलीसँग भयो ।

वलीले प्राणलाई देख्ने बित्तिकै आफ्नो फिल्मका लागि योग्य भूमिका पाएको अनुभव गरे । त्यसपछि वलीको प्रस्ताव अनुसार प्राणले पञ्जाबी फिल्म ‘यमला जट’बाट आफ्नो अभिनय करियर सुरु गरे ।

सन् १९२० फेब्रुअरी १२ मा पुरानो दिल्लीमा जन्मिएका प्राणले आफ्नो करियरमा ‘मधुमति’, ‘जिस देस में गंगा बहती है’, ‘उपकार’, ‘शहीद’, ‘पूरब और पश्चिम’, ‘आंसू बन गए फूल’, ‘जोनी मेरा नाम’, ‘जञ्जीर’, ‘डोन’, ‘अमर अकबर एन्थनी’ र ‘दुनिया’ जस्ता हिट फिल्म दिए ।

उनको पुरा नाम प्राण कृष्ण सिकंद थियो र उनका पिता एक सरकारी वकिल इञ्जिनियर थिए ।

रामपुरबाट मेट्रिक पास गरेका प्राण फोटोग्राफर बन्न चाहन्थे । उनले ‘रामलीला’ चरित्रमा सीताको भूमिकामा अभिनय पनि गरेका थिए ।


Last Updated on: February 12th, 2021 at 11:44 am
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
१३० पटक हेरिएको

तपाईको प्रतिक्रिया