बिहिबार १० आषाढ २०७८

प्रतिगमन र महिला हिंसा विरुद्ध काठमाडौंमा महिला मार्च गरिएको छ ।

प्रतिगमनविरुद्ध बृहत नागरिक आन्दोलनले गरेको महिला मार्च बसन्तपुरबाट सुएर भद्रकालीमा आएपछि कोणसभामा परिणत भएको छ । मार्चमा सरकारले महिला हिंसा रोक्न नसकेको, बलात्कार र हत्याका घटनाहरू नरोकिएको भन्दै आक्रोश पोखेका छन् ।

उनीहरुले महिला हिंसा बन्द गर्न, बलात्कारीलाई सजाय दिन र हत्यारालाई कारवाही गर्न माग गरेका छन् । आन्दोलनकारीले महिला हिंसा र प्रतिगमन रोक्न माग गरेका छन् ।

उनीहरुले प्रतिकात्मक रूपमा शवयात्रा गरेका छन् । मार्चमा एकोहोरो शंख बजाउँदै प्रतिगमनको विरोध गरिएको थियो । टाउकोमा सेतो कपडा बेरेर सेतो धोती लगाएका केही युवाहरूले प्रतिकात्मक शवलाई बोकेर शवयात्रा गरेका छन् ।

 


Last Updated on: February 12th, 2021 at 5:33 pm
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
२०२ पटक हेरिएको

तपाईको प्रतिक्रिया