मंगलबार १९ साउन २०७८

मुम्बई–अभिनेत्री सनी लियोनी हाल निर्देशक विक्रम भट्टको वेब सिरिज ‘अनामिका’मा व्यस्त छिन् । सिरिजको छायांकनसँगै यसबारे विवाद सुरु भएको छ । सुटिङ सेटमा हालै आएका केही व्यक्तिले निर्देशक विक्रमसँग ३८ लाख रुपैंयाँ माग गर्दै तोडफोड गरेका छन् ।

समाचारअनुसार निर्देशक विक्रमले यसअघि एक्सन निर्देशक अब्बास अली मोघलसँग गर्दाको उनको पारिश्रमिक दिएका थिएनन् । त्यही पारिश्रमिकको माग गर्दै केही व्यक्तिले सुटिङ सेटमा तोडफोड गरेका हुन् ।

विक्रमले यो विवादका कारण वेब सिरिजको पुरा दिन छायांकन गर्न नसकिएको बताए । यो घटनाबाट चिन्तित बनेका विक्रम एक्सन निर्देशक अब्बासका विरुद्ध कानूनी कारवाही गर्ने तयारीमा छन् । अब्बासले भने फाइटर एशोसिएसनले यो विवादलाई हेरिरहेकाले उसैले सुल्झाउने बताए ।

सनीविरुद्ध केही समय अघि आर्थिक हिनामिनाको आरोप लागेको थियो । एक इभेन्ट प्रवद्र्धन कम्पनीसँग पारिश्रमिक लिएर कार्यक्रममा नपुगेको आरोप लागेपछि उनीविरुद्ध अदालतमा मुद्धा परेको थियो । तर अदालतले उनलाई जमानत दिएको थियो ।


Last Updated on: February 12th, 2021 at 9:43 pm
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
२५७ पटक हेरिएको

तपाईको प्रतिक्रिया