बिहिबार १० आषाढ २०७८

मेष (चु, चे, चो, ला, लि, लु, ले, लो, अ)
एघारौं भावमा बसेको सूर्यको प्रभावले इच्छा र आकाङ्क्षा पूर्ण हुने समयका रूपमा यस महिनाको आगमन भएको छ । सरकारको उच्च ओहदाका मानिसहरूसँग तपाईंको सुसम्बन्ध कायम हुनेछ, परिणामतः तपाईंले फाइदा लिन सक्नुहुन्छ । कार्यालयमा सिनियर कर्मचारीले सहयोग र समर्थन गर्ने समय हो । तपाईं स्वयंले वा जीवनसाथीले नयाँ रोजगारी पाउने वा नयाँ व्यवसाय प्रारम्भ गर्ने परिस्थितिसमेत बन्नसक्छ । हरेक प्रयासमा कुनै न कुनै लाभ मिल्ने हुँदा मन प्रसन्न रहने छ । गरेका प्रयासमा चौतर्फी उन्नति हुने भएकाले समाजमा तपाईंको इज्जत र प्रतिष्ठामा अझ बृद्धि हुनेछ । परीक्षा, प्रतियोगिता र अन्तर्वार्ताको तैयारी गरिरहेका जातकका लागि यो महत्त्वपूर्ण समय हो । यो महिना तपाईंको राशिस्वामी मंगल ग्रहले लग्न र धनभावमा भ्रमण गर्नेछ ।

यसको प्रभावले यस अवधिमा सबैसँग मेलमिलाप गर्नुका साथै मिलनसार स्वभावको विकास हुनेछ । तर मंगल ग्रह रिस, घमण्ड र अहंकारको स्वामी ग्रहसमेत हो, त्यसैले आफ्नै कमजोरी र त्रुटिका कारण यो इच्छाविपरीत परिणाम आउनसक्ने समय पनि हो । यस समयमा सानातिना रोगव्याधिको भय र हलुका दुर्घटना हुने सम्भावना पनि देखिन्छ । खासगरी महिनाको अन्तिम महिना जोखिमपूर्ण र जुवाजन्य काममा दिलचस्पी नदिनु होला, नत्र ठूलै धनरकमको नाश हुनसक्छ । उता आपसी सम्बन्धमा पनि समन्वयको प्रयास गर्ने समय हो, नत्र पारिवारिक झमेला बढ्नाले मानसिक तनाव हुन सक्छ । यो महिना श्रमिक तथा कर्मचारीका लागि दशमेश शनिश्चरले दशम भावमा नै यात्रा गरेको हुँदा स्वामी दाहिने भएको राम्रो समय छ, अब नोकरी र व्यायसायिक जीवनमा सुधार आउने छ, प्रतिष्ठा र पदोन्नतिको सम्भावना छ । सप्तमेश शुक्रले समेत दशम र एकादश भावको यात्रा गर्ने हुँदा गृहिणीहरुका लागि कार्यक्षेत्रमा उन्नति गर्ने अवसर जुट्नेछ । परिवारले आफ्ना समस्या बुझ्ने छन् । दाम्पत्य सम्बन्ध सुमधुर छ । अभिभावकलाई पनि खुसी बनाउने समय हो ।

विद्यार्थीहरुका लागि कला, वाणिज्य, व्यवस्थापन र शिक्षाशास्त्रका छात्रछात्राका लागि अनुकूल समय छ भने मेडिकल र इञ्जिनियरिङ क्षेत्रमा कामको बोझ बढ्ने समय छ । व्यवसायीहरुका निमित्त कर, ट्याक्स वा कुनै प्रशासनिक काम अड्किएको छ भने यो महिना प्रयास गर्दा लाभ पाउने समय देखिन्छ । यो महिना ग्रहजन्य कुनै अशुभ प्रभाव नपरोस् भन्ने उद्देश्यले तपाईंले अष्टम भावमा बसेको केतुको शान्तिका निमित्त मगन्ते, भिखारी वा जोगीलाई दुई वटा रङ मिसिएको कम्बल वा दोलाई दान गर्नुपर्दछ । सामान्यतया यस महिनाको ०२, ०३, ०४, १२, १३, १४, २१, २२ र २९ गते तपाईंका लागि अशुभ रहने छन् ।

बृष (इ, उ, ए, ओ, बा, बि, बु, बे, बो)
कर्मक्षेत्रमा प्रवेश गरेको सूर्यको प्रभावले यो महिना अत्यन्त क्रियाशील र व्यस्त रहने तथा कर्मक्षेत्रको परीक्षण गर्ने समय हो । महिनाको दोस्रो सातापछि राशिस्वामी शुक्रले पनि कर्मस्थानको यात्रा गर्ने समय भएकाले यो महिना व्यापार र नोकरीका माध्यमबाट लाभ मिल्नेछ । हाकिम, मातापिता र वरिष्ठ व्यक्तित्वको सहानुभूति र आशीर्वाद मिल्नेछ । विपरीत परिस्थितिलाई कुशलतापूर्वक निराकरण गर्नुहुनेछ । व्यापारिक साझेदार, सहयोगी वा व्यवसायिक व्यक्तित्व र ग्राहकहरूसँगको सम्बन्ध दिन प्रतिदिन सुध्रने सङ्केत छ । मनमा दैनिकी, दिनचर्या र सधैंको व्यस्तताबाट टाढा भाग्ने र एकान्तमा शान्त वातावरणमा रमाउने भावनाको विकास हुनसक्छ । कुनै नयाँ मित्र वा मार्गदर्शकसँग चिनजान र भेटघाट हुने समय हो । विदेश यात्राको इच्छा हुनसक्छ । पदोन्नति हुने सम्भावना छ भने चाहेको परिणाम हात पार्न सक्नु हुनेछ । मस्तिष्क धार्मिक क्रियाकलाप र जीवनसम्बद्ध उच्च दर्शनतर्फ आकृष्ट हुनेछ । पारिवारिक सम्बन्ध अनुकूल रहने छ । तर तपाईंको राशिमा राहु ग्रह र सप्तम भावमा केतुको उपस्थिति भएकाले अहिले भ्रम, चिन्ता र दुविधा बढ्ने समय छ ।

राहुको प्रभावले कुनै महत्त्वपूर्ण चिजबिज हराउने वा नाश हुने खतरा छ । वरिष्ठ व्यक्ति वा सत्तामा रहेका अधिकृतसँग सम्बन्ध बिग्रन सक्छ । लेनदेनको कारोबारमा हानि पुग्ने सङ्केत पनि छ । उता केतुका कारण दाम्पत्य किचलोको सम्भावना देखिन्छ । संयम र धैर्य बन्ने प्रयास गर्नुपर्छ । भाग्य भावमा राशिस्वामी लगायत कर्मेश शनिको समेत उपस्थिति भएकाले यो महिना श्रमिक तथा कर्मचारीका लागि प्रयास गरेमा फाइदा हुने फाँट वा कार्यालयमा सरुवा हुनसक्छ । यो महिना गरेको मिहिनेत र परिश्रमको भविष्यमा राम्रो प्रतिफल मिल्नेछ । सप्तमेश मंगलले बाह्रौं भावमा यात्रा गर्ने भएकाले खासगरी १२ गतेसम्म गृहिणीहरुका लागि अनुकूल देखिंदैन, त्यसैले जुनसुकै काम सम्हाल्दा विशेष सावधानी अपनाउनु पर्ने हुन्छ ।

आर्थिक पाटो हो भने सानातिना खर्चको पनि हेक्का राख्नु होला, नत्र हिसाब नमिल्नाले तनाव बढ्ने समय छ । विद्यार्थीहरुका लागि आफूलाई विश्वास गर्ने समय हो, कुनै प्रतिष्ठान वा सरकारी निकायको परीक्षाको तैयारी गर्दै हुनुहुन्छ भने उत्तम परिणाम प्राप्त हुनेछ । व्यवसायीहरुका निमित्त परिस्थितिवश कम फाइदा हुने काममा अलमलिनु पर्ने हुनसक्छ । श्रम अलि बढी गर्नु परे पनि बेफाइदा नै भने हुनेछैन, धैर्य र संयम हुनु राम्रो हुनेछ । यो महिना कुनै किसिमको अशुभता नहोस् भन्ने उद्देश्यले तपाईंले बाह्रौं भावमा बसेको मंगलको प्रियताका निमित्त कुनै देवालय वा तीर्थस्थलमा पुगेको वेला बाँदरलाई चना र गुड खुवाउनु पर्दछ । सामान्यतया यस महिनाको ०४, ०५, ०६, १४, १५, १६, २३ र २४ गते तपाईंका लागि अशुभ रहने छन् ।

मिथुन (का, कि, कु, घ, ङ, छ, के, को, ह)
यो सूर्यदेवले भाग्यभावको यात्रा गरेको समय हो । अतः पिता, परिवार वा वंशकै मानसम्मान र प्रतिष्ठामा वृद्धि हुने महिना हो, यो । सन्तानले उन्नतिरप्रगति गर्नेछन् । विदेश यात्रा वा वैदेशिक प्रयोजनका कामबाट फाइदा हुनेछ । यो सामाजिक गतिविधि, परोपकारी काम र दानधर्मको समय पनि हो । धार्मिक र सांस्कृतिक महत्त्वको क्षेत्रमा भ्रमण हुनेछ । अध्ययन अध्यापनमा रुचि बढ्नेछ, परीक्षा, प्रतियोगिता र प्रतिस्पर्द्धामा सफल भइने छ । यस समयमा धर्म, अध्यात्म र दर्शनका विषयहरूमा पनि रूचि बढ्ने र अध्ययन गर्नुहुने लक्षण देखिन्छ । भाग्यले साथ दिनेछ, बढुवा, प्रशंसा वा प्रतिष्ठा मिल्नेछ । उच्च पदमा प्रतिष्ठित व्यक्तिहरूसित भेटघाट हुने तथा सल्लाह र सद्भाव प्राप्त हुने देखिन्छ ।

विश्वासको वातावरण बन्नाले व्यावसायिक एवं रोजगारीका क्षेत्रमा सफलता आर्जन हुनेछ । धनार्जनका दृष्टिले राम्रै समय छ हिजोआज तपाईंको राशिस्वामी बुध ग्रह अष्टम भावमा अस्त र बक्र अवस्थामा रहेको हुँदा केही अशुभ फल पनि प्राप्त हुनसक्छ, जस्तै सानातिना रोगव्याधि विशेष गरी श्वासप्रश्वास र पाचनप्रणालीमा असर पर्ने सम्भावना पनि देखिंदैछ । प्रयास गर्दागर्दै असफलता पाउनाले निराश हुनु पर्नेछ । कार्यक्षेत्रमा बोझ बढ्ने सम्भावना भएकाले धेरै मिहिनेत गर्नुपर्छ । ससाना कुराका कारण विवाद बढ्ने सम्भावना छ । महत्त्वहीन र बेकारका काममा आफ्नो शक्ति र समयको खर्च हुनेछ । छिटो धन कमाउने प्रवृत्तिमा अङ्कुश लगाउनु बेस हुनेछ । हिजोआज अष्टम भावमा दशमेश बृहस्पतिको उपस्थिति रहेकाले श्रमिक तथा कर्मचारीका लागि कुनै गुप्त योजना, रहस्यात्मक विषय वा भित्री विचार सल्बलाउने समय छ । कुनै पनि जोखिममूलक काम गर्दा जान्नेबुझ्नेको राय लिएको जाति हुन्छ, नत्र धन र प्रतिष्ठा गुम्ने खतरा देखिन्छ ।

सप्तमेशसमेत बृहस्पति ग्रह नै भएकाले गृहिणीहरुका लागि ढाडकम्मर, पेट र आँखाका बिरामीहरूले सतर्कता अपनाउने, दवाइपानी र आहारविहारमा ध्यान पुर्याउने समय हो । छोराछोरीका माध्यमबाट वैदेशिक यात्राको योग बनेको छ । पञ्चमेश शुक्रले महिनाको प्रारम्भमा अष्टम भावमा नै उपस्थिति जनाएकाले विद्यार्थीहरुका लागि अल्छी गर्ने होइन, कडा परिश्रम गर्नुपर्ने समय छ, महिनाको उत्तरार्द्धमा परिश्रम गरेअनुरूप भाग्यले पनि तपाईंलाई साथ दिनेछ । व्यवसायीहरुका निमित्त भाग्यले साथ दिने समय रहेको छ, यो साताको सानोतिनो लगानीले नै भविष्यमा राम्ररी झाँगिने र मौलाउने अवसर पाउने छ । अधिकतम समय अष्टम भावमा राशिस्वामी बुधको उपस्थिति भएकाले तपाईंले ग्रहजन्य दुष्प्रभाव हटाउन यस महिनाको हरेक बुधवारका दिन हरियो फलफूूल वा तरकारी अनाथालय, बृद्धाश्रम वा मठमन्दिरमा दान गर्नुपर्छ । सामान्यतया तपाईंका लागि यस महिनाको ०७, ०८, ०९, १६, १७, १८, २५, २६ र २७ गते ऊर्जाशील नहुने सङ्केत छ ।

कर्कट (हि, हु, हे, हो, डा, डि, डु, डे, डो)
राम्रो महिना छैन, आठौं भावमा सूर्यको प्रवेश भएको छ । अचानक विविध समस्या देखा पर्न सक्छन् । पारिवारिक र नातागोताभित्रका सदस्यहरूसँग राम्रो व्यवहार पुर्याउन नसक्नाले विनाकारण झगडा र विवाद हुनेछ । लामो समयसम्म अस्वस्थ रहने आशङ्का हुनेछ, त्यसैले खानपान, आहारविहार र स्वास्थ्यप्रति सचेत रहनु आवश्यक हुन्छ । शङ्कास्पद कारोबार र क्रियाकलाप सहभागी नबन्नु राम्रो हुनेछ, त्यस्तै खराब र अनैतिक मानिने कामभन्दा टाढा रहनु नै कल्याणकारी हुनेछ । महत्त्वपूर्ण कागजातमा हस्ताक्षर गर्नुअघि राम्ररी पढ्नु बेस होला । बुद्धि र विवेकले काम नगर्न सक्छ । जुवातास, लटरी र सट्टापट्टातर्फ नहौसिनु ठिक हुनेछ । मित्र र सहयोगीहरूबाट निराशा हुनेछ । यात्राबाट थकित बन्नुहुनेछ ।

प्रायशः फाल्गुन महिनाको अन्त्यसम्म नै सप्तम भावमा बुध, बृहस्पति र सप्तमेश शनिश्चरको उपस्थिति रहने भएकाले यो आपसी सम्बन्ध सुधार्ने तथा व्यापारिक साझेदारका बीचमा रहेको द्वन्द्व, टक्कर वा विवादलाई निवारण गर्ने समय हो । त्यस्तै यो विपरीतलिंगीहरूका माझमा लोकप्रिय हुने समयावधि पनि हो । व्यवसायीहरूले साझेदारीका माध्यमबाट राम्रो मुनाफा कमाउन सक्छन् । भोगविलास र आनन्दप्राप्तिका लागि मनको आकर्षण रहने छ । नितान्त व्यक्तिगत अझ आन्तरिक चाहनाको परिपूर्तिका निमित्त ध्यानकेन्द्रित हुने समय छ । आत्मीय मित्रको साथ खोज्नु, एकान्तमा बस्ने इच्छा राख्नु र भावना तथा कल्पनामा रमाउन खोज्नु अहिलेको विशेषता हो । दशमेश मंगलले दशौं र एघारौं भावको यात्रा गर्ने महिना हो, फाल्गुन महिना, त्यसैले यस अवधिमा श्रमिक तथा कर्मचारीका लागि बहुप्रतीक्षित महत्त्वाकाङ्क्षा सिद्ध हुने समय हो । सप्तमेश शनिश्चरले सातौं भावमा नै अड्डा जमाएको हुँदा हिजोआज गृहिणीहरुका लागि आनन्दप्रद यात्राको योजना बनाउने समय हो । तपाईंको सोच र चिन्तनमा पति र छोराछोरीको पूर्ण सहयोग र समर्थन हुनेछ ।

पञ्चमेश मंगलले दशम भावको बलियो यात्रा गरिरहेकाले विद्यार्थीहरुका लागि रोजगारी र क्यारियरप्रतिको चासो बढ्ने समय छ । त्यस्तै व्यवसायीहरुका निमित्त होटल, रेष्टोरेन्ट, सेवामूलक काम र दौडधूप गर्ने पेसाबाट यो महिना अलि बढी नै फाइदा हुनेछ । ग्रहको कुनै पनि अशुभ प्रभाव नपरोस् र सुखशान्तिका साथमा महिना बितोस् भन्ने उद्देश्यले तपाईंले अष्टम भावमा रहेको सूर्य ग्रहको उपासनामा जोड दिनुपर्दछ, त्यसका लागि सकेसम्म हरेक दिन सूर्योदयको १ घटिका ९२४ मिनेट० भित्र स्नानादिबाट निवृत्त भई मह वा चिनी मिसाएर तामाको पात्रमा शुद्धजल वा गङ्गाजल राखी सूर्यलाई अर्घ्य दिंदा लाभ हुन्छ । खासगरी यस महिनाको ०१, ०२, ०९, १०, ११, १८, १९, २०, २७, २८ र २९ गते तपाईंले अलि बढी चनाखो हुनु राम्रो हुन्छ ।

सिंह (मा, मि, मु, मे, मो, टा, टि, टु, टे)
सातौं घर साझेदारी र दाम्पत्यजीवनसँग सम्बन्धित घर हो, यो महिना यसै भावमा सूर्यले भ्रमण गर्ने समय हो । बोलीमा विशेष प्रभाव हुने र व्यवहारमा कुशलता देखिने समय हो । जीवनसाथीले पनि आफ्नो कार्यक्षेत्रमा उन्नति गर्ने समय छ । प्रेम जीवन सामान्य हुनेछ । बन्दव्यापारमा संलग्नहरूका लागि राम्रो कारोबार हुने समय हो । कार्यक्षेत्रमा वर्चस्व कायम हुनेछ । भाग्य भावमा रहेको भाग्येश मंगलको प्रभावले पारिवारिक सुख मिल्नेछ । घरायसी सुखसुविधा बढाउन र चलअचल सम्पत्ति आदिमा खर्च बढ्ने छ, साथै बन्दव्यापारको विकासमा पनि धनव्यय हुनेछ ।

अचानक अयाचित लाभ मिल्ने सम्भावना पनि देखिंदैछ, साथै उच्चपदस्थ र शक्तिशाली व्यक्तिहरूको सम्पर्कमा पुगिने सम्भावना पनि छ । ख्याति र सम्मानमा अभिबृद्धि हुनेछ । तर सातौं सूर्य र छैटौं बृहस्पतिको प्रभावले समग्र प्रभाव राम्रो रहने छैन, किनकि यो मानसिक रूपले तनावग्रस्त र अस्वस्थ रहने समय हो । कुनै त्यस्ता काम हुन्छन्, जुन कडा मिहिनेत गर्दा पनि राम्रो परिणाम हात पार्न सकिने छैन । व्यवसायिकरव्यापारिक क्षेत्रमा रहेका नजिकका साथीभाइ र कामदारले धोका दिनसक्छन् । व्यर्थका काममा समेत अल्मलिनु पर्नेछ । बोलीलाई नियन्त्रण गर्नु राम्रो हुन्छ, घरपरिवारभित्रका वादविवाद, झैझगडा र समस्याहरूमा संयमता अपनाउनु राम्रो हुनेछ । कटुशब्दको प्रयोग र अर्काको आलोचना गर्ने प्रवृत्तिमा नियन्त्रण गर्नु राम्रो हुन्छ ।

हृदय र छातीका रोगीहरूले अलि सतर्क रहने महिना हो । दशमेश शुक्रले यो महिना छैंटौं र सातौं भावको यात्रा गर्नेछन् । त्यसैले कामदार र कर्मचारीका लागि समय अनुकूल छैन, यो मनमा चिन्ता, शंका र प्रतिद्वन्द्विता बढ्ने समय हो । सप्तमेश शनिले समेत छैटौं भावकै यात्रा गरेको देखिन्छ, त्यसैले गृहिणीहरुका लागि कुनै कामविशेषले यात्रा हुनसक्छ । पेटसम्बन्धी समस्या देखापर्न सक्छन् । विद्यार्थीहरुका लागि कुनै विवाद, प्रतियोगिता वा प्रतिस्पर्धा गर्दै हुनुहुन्छ भने यो महिना चुनौती झेलेर अघि बढ्ने समय हो । व्यवसायीहरुका निमित्त आयातनिर्यातको काम, वैदेशिक प्रयोजनको व्यवसाय, ट्राभेल एजेन्सी आदिका व्यवसायी खुशी हुने समय हो, तर आकस्मिक खर्चमा बृद्धि हुनेछ । सामान्यतया तपाईंका लागि यो महिना शुभकारक नै हुनेछ, यद्यपि अझ बढी शुभ होस् भन्ने मनसायले तपाईंले चौथो भावमा बसेको केतुको शान्तिका निमित्त प्रत्येक मङ्गलबार वा बिहीबारका दिन कालो बोकोलाई हरियो र पोसिलो घाँस खुवाउनु पर्दछ । खासगरी यस महिनाको ०२, ०३, ०४, १२, १३, १४, २१, २२ र २९ गते तपाईंका लागि अशुभ रहने छन् ।

कन्या (टो, प, पि, पु, ष, ण, ठ, पे, पो)
यो समय उपयोगी छ, जे गरे पनि सफलता हात पर्ने सम्भावना हुन्छ । पहिले देखिएका प्रायशः समस्याहरूको निराकरण हुनसक्छ । प्रतिस्पर्धीहरूमाथि विजय प्राप्त हुनेछ । आफ्नो सर्कलमा सम्मान र साख मिल्नेछ । उता पाँचौं भावमा राशिस्वामी बुध, पञ्चमेश शनिश्चर र बृहस्पति ग्रहसमेतको उपस्थिति रहेकाले पनि यो सुख र सम्मृद्धिकारक समय नै हो । यस अवधिमा मनमा प्रेमिल भावना र विनोदी स्वभाव विकसित हुने समय चल्दैछ । विद्यार्थीहरूले योग्यता र सीपको भरपूर प्रयोग गर्ने समय हो । गृहस्थीहरूले सन्तानका क्रियाकलाप र उन्नतिप्रगति देखेर दंग पर्ने समय हो । गीत, संगीत, चलचित्र वा भुलिने खेल वा गेमप्रति झुकाव बढ्ने समय पनि हो । व्यक्तित्व आकर्षक हुनाका साथै स्वभावमा मिलनसार बन्नुहुनेछ । तर राशिस्वामी बुधको अस्तावस्था र बक्र गति रहेकाले फलप्राप्तिप्रति बढी विश्वास नगर्नु जायज हुन्छ, त्यस्तै छैटौं भावमा रहेको क्रूर ग्रहले सामान्यतया शुभ परिणाम नै दिने समय भए पनि छैटौं भाव झगडा र रोगको घर भएकाले व्यक्तिगत स्वास्थ्य र आहारविहारमा सचेतता अपनाउनु जायज हुनेछ । रिस र आवेगमाथि भने कन्ट्रोल गर्नु आवश्यक छ ।

जीवनसाथीको स्वास्थ्यस्थितिप्रति समेत सचेत हुनु आवश्यक छ । त्यस्तै सूर्यले बाह्रौं भावमा पूर्णदृष्टि राख्ने हुँदा यो खर्च बढ्ने समय पनि हो । तर समग्रतामा कर्मप्रति समर्पित भई गरेको काममा शतप्रतिशत सफलता पाउने समय हो । दशमेश र लग्नेश दुबै बुध ग्रह भएकाले कन्या राशिका जातकका लागि यो महिना व्यक्तित्व विकास र प्रतिष्ठाबृद्धिमा केन्द्रित हुने समय हो, त्यसैले कामदार तथा कर्मचारीले यो महिना सुखसुविधाका निमित्त होइन, साख बढाउन प्रयास गर्नुहोला । सप्तमेश बृहस्पतिले पञ्चम भावको यात्रा गर्दैछ, त्यसैले गृहिणीहरुका लागि पारिवारिक वातावरण सुखमय रहनेछ । दाम्पत्य जीवनमा राम्रो समझदारी कायम रहनेछ । छोराछोरीको खुसीका निमित्त केही काम गर्नुपर्ने र धन खर्च हुने समय हो ।

विद्यार्थीहरुका लागि अध्ययनका विषयवस्तुप्रति गम्भीर बन्ने समय आएको छ । अब लक्ष्य प्राप्तिका लागि उन्मुख हुने वेला हो । व्यवसायीहरुका निमित्त आर्थिक व्यवस्थापनका लागि गर्नैपर्ने केही कामहरू अन्तिम निष्कर्षमा नपुगी बीचमा नै अवरुद्ध हुनसक्ने समय देखिन्छ । राशिस्वामी बुधमा बक्रता र अस्तावस्था रहेकाले यो महिना कुनै पनि ग्रहजन्य दुष्प्रभाव निवारणका लागि तपाईंले एउटा पन्ना रत्न ९कम्तीमा ६ क्यारेटको० सुन, चाँदी वा पञ्चधातुमा औंठी बनाएर दाहिने हातको काहिंली औंलामा धारण गर्दा लाभ हुनेछ । सामान्यतया यस महिनाको ०४, ०५, ०६, १४, १५, १६, २३ र २४ गते तपाईंका लागि अशुभ रहने छन् ।

तुला (र, रि, रु, रे, रो, ता, ति, तु, ते)
बुद्धि क्षेत्रमा सूर्यको उपस्थिति भएकाले मनमा ठूलो उत्साह र उमङ्गको सिर्जना हुनेछ । पढाइलेखाइ र बौद्धिक क्रियाकलापका लागि उचित समय छ, तर चिन्तनमननमा बढी निर्लिप्त हुनु पनि हानिकारक बन्नसक्छ । आकस्मिक यात्राको अवसर आउन सक्छ । राशिस्वामी शुक्रले समेत ७ गतेपछि पाचौं भावको यात्रा गर्ने भएकाले यस अवधिमा विपरीत लिङ्गीप्रति आकर्षित भइने छ । आत्मविश्वासको मात्रा बढ्ने छ । निडर र जुझारु बन्नुहुनेछ । मिहिनेत र कर्मठताले गर्दा कामधन्धामा प्रगति र विकास हुनेछ । आकस्मिक रूपमा हितकारी घटना घट्न सक्छ ।

पञ्चमेश शनि चतुर्थ भावमा तथा राहु अष्टम भावमा रहेकाले मानसिक उलझन बल्झाउने र चिन्ता बृद्धि गर्ने समय हो । यस अवधिमा मातापिताको स्वास्थ्यस्थिति कमजोर हुन्छ, खासगरी पिता वा कार्यक्षेत्रका सिनियर्ससित मनमुटाव र तिक्तता बढाउने समय पनि हो । हृदय र पेटसम्बन्धी स्वास्थ्यसमस्या आइलाग्ने समय छ । त्यस्तै यसै महिनामा सप्तमेश मंगलको सप्तम र अष्टम भावमा यात्रा हुनेछ । परिणामतः १२ गतेसम्म रमाइलो समय नै हुनेछ, तर त्यसपछि घरपरिवारकै सदस्यका बीचमा मनोमालिन्य बढ्नाले एवं ससाना कुरामा झैझगडा मानसिक तनाव बढ्नसक्छ । प्रत्येक काममा बाधा आउने र ढिलो हुनेछ । कहिलेकाँही असुरक्षाको हीनभावनासमेत विकसित हुनसक्छ । कामको बोझ बढ्ने छ । व्यर्थको काममा फँस्ने सम्भावना समेत छ ।

स्वास्थ्य पनि ठीक हुनेछैन । पारिवारिक जीवन सुखद रहनेछैन । दशम भावको मालिक चन्द्रमाले महिनाको पहिलो दिन पाँचौं भावमा उपस्थिति जनाएकाले यो महिना श्रमिक तथा कर्मचारीहरूले अध्ययनशील बन्ने समय हो । नयाँ सीप वा तालिम लिने अनुकूलता मिल्नसक्छ । सप्तमेश मंगलको सातौं र आठौं भावको यात्रा रहने छ, त्यसैले गृहिणीहरुका १२ गतेपछि नकारात्मक समय सुरु हुनेछ । खासगरी रोगव्याधिको चपेटामा हुनुहुन्छ भने औषधोपचार र आहाररविहारमा ध्यानकेन्द्रित गर्नु ठीक हुन्छ । यो विद्यार्थीहरूका निमित्त मिश्रित प्रभाव भएको समय हो, त्यसैले के कति मिहिनेत गर्नुहुन्छ, त्यस अनुरूप परिणाम प्राप्त हुनेछ । व्यवसायीहरुका निमित्त कारोबारमा भन्दा पनि ध्यान, अध्यात्म र योगातर्फ अनि सामाजिक र परोपकारी काममा मनको आकर्षण हुनाले मन चंगा हुने समय छ । ग्रहजन्य दुष्प्रभाव कम गर्न तपाईंले अष्टम भावमा बसेको राहुको प्रियताका लागि श्रीखण्ड चन्दनको एउटा सानो टुक्रा आफ्नो पर्स वा सधैं बोक्ने झोलामा हरहमेशा राख्नुपर्दछ । सामान्यतया यस महिनाको ०७, ०८, ०९, १६, १७, १८, २५, २६ र २७ गते तपाईंका लागि अशुभ रहने छन् ।

बृश्चिक (तो, ना, नि, नु, ने, नो, या, यि, यु्)
तपाईंको राशिबाट चौथो घर अर्थात् मातृसुख, वाहनसुख प्रदान गर्ने भावमा सूर्यको गोचर प्रारम्भ भएको छ । आर्थिक पक्ष मजबुत देखिन्छ, व्यवसाय वा नोकरीको सन्दर्भमा वा वैदेशिक प्रयोजनको काममा घरबाहिर जानु पर्ने परिस्थिति बन्नेछ । सहकर्मीहरूको समर्थन प्राप्त हुनेछ । नयाँ घरघडेरीको जोहो गर्ने मानसिकता भएका व्यक्तिका लागि यो महिना उक्त कामका लागि उचित समय हुनसक्छ । सूर्यले प्रदान गर्ने सकारात्मक फल यी भए पनि चतुर्थ भावमा बसेको क्रूर ग्रहको मानसिक उलझन बल्झाउने परिणाम प्राप्त हुने गर्दछ । मन कुकर्म र गलत आचरणतर्फ आकर्षित बन्न सक्छ । मातापिता र अभिभावक वर्गको स्वास्थ्यस्थिति चिन्ताको विषय बन्नेछ । दुर्घटनाको सामान्य सम्भावना छ, त्यसैले सवारीसाधन हाँक्दा र बाटो काट्दा सावधान र सचेत रहनु बेस हुनेछ ।

छैटौं र सातौं भावमा भ्रमण गर्ने राशिस्वामी मङ्गलको प्रभाव मिश्रित रहने सङ्केत छ । सुरुका दुई हप्ताभित्र लुकेको प्रतिभा र व्यवसायिक योग्यताको सहज विकास हुनेछ । कार्यशैलीमा गम्भीरता आउने छ । सुखसुविधा भोग गर्न पाइने छ र मन प्रसन्न रहने छ । कामप्रतिको लगनशीलताका कारण प्रशस्त लाभ मिल्नेछ । पारिवारिक वातावरण सुमधुर रहनेछ । तर त्यसपछि कतिपय परिस्थितिमा इच्छाविपरीत परिणाम आउनसक्छ, त्यसैले फलप्राप्ति प्रति धेरै उत्साह नदेखाउनु उचित हुनेछ । सानातिना रोगव्याधिको भय र हलुका दुर्घटना हुने सम्भावना छ ।

पारिवारिक झमेला बढ्नसक्छ । दशम भावको मालिक सूर्यले चतुर्थ भावको यात्रा गरेको समय भएकाले कामदार र कर्मचारीका लागि यो महिना वैदेशिक प्रयोजनका काममा खट्नु पर्ने वा कतै लाभदायक यात्रामा निस्कनुपर्ने समय छ । सप्तमेश शुक्रले तृतीय र चतुर्थ भावको यात्रा गर्ने हुँदा गृहिणीहरुका लागि यो महिना व्यक्तिगत कार्यमा सफलता मिल्नेछ । तर पनि महिनाको अन्त्यतिर यदाकदा मनमा अनावश्यक तनाव पैदा हुनेछ ।

विद्यार्थीहरुका लागि मित्र र शुभचिन्तकको साथरसहयोग प्राप्त हुनेछ, नजानेको कुरा गुरुवर्ग वा दिदीदाजुका माध्यमबाट जान्न सकिने समय हो । व्यवसायीहरुका निमित्त यो महिना भौतिक सम्पति तथा परिवारको खरखाँचोका वस्तुहरूको जोहो गर्ने समय हो । आफ्नै राशिमा रहेको केतु ग्रहको प्रसन्नताका लागि तपाईंले यो महिना देवीदेउराली वा कुनै शक्तिपीठमा गई पुजारी वा माग्नेलाई कालो रङको तैयारी लुगा दान गरेमा शुभफल प्राप्त हुनेछ । सामान्यतया यस महिनाको ०१, ०२, ०९, १०, ११, १८, १९, २०, २७, २८ र २९ गते त्यति अनुकूल दिन रहने छैन ।

धनु (ये, यो, भ, भि, भु, ध, फा, ढ, भे)
सूर्यको प्रभाव तृतीय भावमा रहने भएकाले यो महिना पारिवारिक जीवन सुखद रहनेछ । बहुप्रतीक्षित इच्छा, आकाङ्क्षा र उद्देश्य सफल हुनसक्छन् । आयक्षेत्रमा उल्लेखनीय अभिबृद्धि हुनेछ । आकस्मिक रूपमा धनप्राप्तिको सम्भावना समेत छ । परिवारका सदस्य र अन्य व्यक्तिको हितका लागि धनखर्च गर्न मन हौसिने छ । लोकप्रियता हासिल हुनेछ । घरपरिवारका सदस्य, मित्र र नातागोता माझको सम्बन्ध सुदृढ हुनेछ । परिवारमा नयाँ सदस्य वा अतिथिको आगमन हुनसक्छ । शत्रुमाथि विजय प्राप्त हुनेछ । अचल सम्पत्तिबाट लाभ मिल्नेछ । कला, कविता र साहित्यमा रूचि बढ्ने छ । आफ्नो रूचिको क्षेत्रमा गरेको प्रयास सार्थक हुनेछ । सामान्यतया सबै किसिमका सुखभोग प्राप्त हुनेछ ।

अधिकतम समय घुमघाम र भ्रमणमा बित्नेछ, साथै ससाना यात्रा फलदायी र भाग्यशाली सिद्ध हुनेछन् ।। स्वास्थ्यका दृष्टिकोणले पनि यो समय राम्रै छ । उता राशिस्वामी बृहस्पतिले धनभावको यात्रा गर्दै राजयोग सिर्जना गरेको समय छ । यो समय मिठो खाने, राम्रो लगाउने र महँगा महँगा वस्तुको खरीद गर्ने इच्छाको जागृति हुने समय हो । कहिलेकाहीं सांसारिक सुखसुविधा भोग गर्न र मौजमस्तीमा धनखर्च गर्ने परिस्थिति पनि बन्नसक्छ । प्रेम सम्बन्धमा सानातिना विवाद र झैझगडाको योग हुन्छ, तर तपाईंको बोलीमा मिठास र चिप्लोपन देखिन सक्छ ।

घरपरिवार, इष्टमित्र र खासगरी दिदीबहिनीसँग भेटघाट हुने तथा भावना साटासाट हुने समय हो । दशमेश बुधले महिनाको अधिकतम समय धनभावको यात्रा गर्ने संकेत छ, त्यसैले श्रमिक तथा कर्मचारीका लागि यो महिना धनधान्य बढाउने चिन्ता बारम्बार भइरहन्छ र केही हदमा सफलतासमेत पाइने छ । गृहिणीहरुका लागि यो समयावधि बडो आनन्द र उमङ्गका साथमा बित्नेछ । पतिको पदप्रतिष्ठामा अभिबृद्धि हुनेछ र आम्दानीका मार्गहरू पनि बढ्ने छन् । विद्यार्थीहरुका लागि पठनपाठन र सीप देखाएर भाग्य चम्काउने समय हो ।

ठूलाबडा र गुरुजनको सहायता प्राप्त हुनेछ । व्यवसायीहरुका निमित्त अप्रत्यासित ढंगले आफन्त र सहयोगीहरूको साथ पाउनाले कुनै बिग्रनै लागेको काम सपारेर अघि बढ्ने समय आएको छ । तपाईंले पनि केतु ग्रहको शुभफल प्राप्तिका लागि प्रयास गरेमा राम्रो हुनेछ, त्यसका लागि मङ्गलबार वा बिहीबारका दिन गच्छेअनुसार कुनै गुलियो पक्वान्न कुनै बृद्ध जोगीलाई वा माता दुर्गाको शक्तिपीठमा दान दिनुपर्छ । सामान्यतया यस महिनाको ०२, ०३, ०४, १२, १३, १४, २१, २२ र २९ गते तपाईंका लागि अशुभ रहने छन् ।

मकर (भो, ज, जि, खि, खु, खे, खो, गा, गि)
तपाईंको राशिबाट सूर्यदेवले दोस्रो भावमा रहेको धनस्थानमा प्रवेश गर्दैछन् । अब कार्यक्षेत्रमा सफलता आर्जन गर्न सकिने र सम्मान बढ्ने समय आएको छ, सामाजिक सर्कलमा नामरसुनाम चल्ने र साख बढ्ने संकेत छ । यो धनवृद्धि गर्न कडा मिहिनेत गर्ने समय हो । धनसम्पत्तिको सञ्चय गर्ने मानसिकता बन्नेछ, तर आर्थिक दृष्टिले यस अवधिमा लाभ मिल्नेछैन, दीर्घकालिक लगानी र कारोबारप्रति सचेतता अपनाउनु आवश्यक छ । सरकारी काम वा उच्च अधिकारीहरूसँगको हिमचिम र भेटघाटले केही मुनाफा कमाउने अवसर प्राप्त हुनेछ ।

शिक्षार्थीहरूले राम्रो नतिजा प्राप्त गर्नेछन् । मौखिक अभिव्यक्तिसँग सम्बद्ध जुनसुकै काममा उच्च सफलता प्राप्त हुनेछ । यो प्रेम जीवन र दाम्पत्य सम्बन्धमा नोकझोक चलिरहन्छ, तर प्रेमसम्बन्ध प्रगाढ बन्दै जानेछ । बन्दव्यापार र पेसागत जीवनमा पनि शुभफल र सन्तोषजनक परिणाम प्राप्त हुनेछ । तर सूर्यले धनस्थानको यात्रा गर्दा केही नकारात्मक फलहरू पनि प्राप्त हुने गर्दछन्, जस्तै यस अवधिमा तनाव र बोझलाई झेल्नसक्ने सामथ्र्य हुँदाहुँदै पनि पारिवारिक झैझमेला र समस्या बढ्नाले मन विचलित हुनसक्छ । घरायसी समस्या र परिवारजनका भावनालाई समेटेर अघि बढ्नु राम्रो हुनेछ । तपाईंको आफ्नै राशिमा प्रायः यो महिनाभरि राशिस्वामी शनिश्चर र भाग्येश बुधको एकसाथ यात्रा हुनेछ, परिणामतः अहिले तपाईंले दीर्घकालीन लगानीका लागि धन लगानी गर्नु उत्तम हुन्छ । भ्रमणबाट लाभ हुनेछ । दार्शनिकता प्रति झुकाव बढ्ने छ र स्वभावमा गम्भीरता प्राप्त हुनेछ ।

दशमेश शुत्रले तपाईंको आफ्नै राशि र दोस्रो भावको यात्रा गर्ने समय हो । त्यसैले कामदार र कर्मचारीहरूका लागि यो महिना पदोन्नति हुने सम्भावना छ । त्यसैले मिहिनेत गरेअनुसार चाहेको परिणाम हात पार्ने समय हो । महिनाको पहिलो दिन सप्तमेश चन्द्रमाले धनभावको यात्रा गरेको देखिन्छ, अतः गृहिणीहरुका लागि यो महिना विशेष ताजगी र स्फूर्ति बढ्ने समय हो । विद्यार्थीहरुका लागि आलस्य नगरी केही नयाँ सिक्ने प्रयास गर्नु राम्रो हुन्छ । यसरी नै तपाईंको बौद्धिक क्षमतामा सुधार हुनेछ, अनि केही गर्छु भन्ने आत्मविश्वास जाग्नेछ । व्यवसायीहरुका निमित्त लगानीमा रहेको वा उधारोमा गएको धन प्राप्त हुने समय छ । कतैबाट आयमा आकस्मिक बढोत्तरीसमेत हुनसक्छ । कुनै किसिमको असुविधा नहोस् भन्ने उद्देश्यले तपाईंले हरहमेशा राशिस्वामी शनिदेवको उपासनामा जोड दिएको जाति हुन्छ । यस महिनाको ०४, ०५, ०६, १४, १५, १६, २३ र २४ गते तपाईंका लागि अनुकूल हुने छैन ।

कुम्भ (गु, गे, गो, सा, सि, सु, से, सो, द)
आफ्नै राशिमा भगवान् सूर्य नारायणले प्रवेश गर्नुभएको छ । यो समय सुखसुविधा आर्जन गर्ने पक्षमा आकर्षित रहनुहुनेछ । आत्मविश्वासको सिर्जना हुनेछ । सार्वजनिक क्षेत्र अथवा सरकारको कुनै महत्त्वपूर्ण जिम्मेबारी प्राप्त हुनसक्छ । छोटो दूरीको यात्रा हुने सम्भावना छ, जुन सुझबुझ र लगनशीलताका कारण फलदायक सिद्ध हुनेछ । सामाजिक सङ्घसंस्था वा परोपकारका क्षेत्रमा सहयोग गर्नु पर्नेछ । यस महिनाको अन्त्यतिर तपाईंको आफ्नै राशिमा बुधादित्य योगको समेत सिर्जना हुनेछ, त्यसैले मासान्तमा अत्यन्त सुखभोग गर्न पाइने छ । दाम्पत्य जीवनको भरपूर सुख भोग गर्न पाइने समय छ । प्रतिभा, दक्षता र योग्यता प्रदर्शन गर्नाले राम्रो परिणाम प्राप्त हुनेछ । महत्त्वपूर्ण व्यक्तित्व र विद्वानहरू सम्पर्कमा रहनेछन् ।

सम्मान प्राप्त हुने र ख्याति बढ्ने समय छ । पारिवारिक जीवन संतोषप्रद रहनेछ । यो महिनाको ७ गते भाग्यभावको मालिक शुक्र ग्रहले पनि तपाईंको आफ्नै राशिमा प्रवेश गर्नेछन्, परिणामतः यो महिना तपाईंले कडा मिहिनेत र परिश्रम गरी भाग्यको ढोका उघार्ने समय हो । शुक्रको प्रभावले प्रतिस्पर्धा वा परीक्षामा सहभागी हुँदा सफलता आर्जन हुनेछ । तर राशिस्वामी शनिश्चरको बाह्रौं भावको यात्राको अवधि हो । यो तपाईंका लागि आद्य साढेसातीको प्रकोपको समय पनि हो । यसको प्रभावले कामको बोझ धेरै नै हुन्छ, आर्थिक असन्तुलनका कारण तनावमा बृद्धि हुनेछ । तर पनि समय र स्वास्थ्य अनुकूल हुनाले सफलता मिल्नेछ । यो महिना श्रमिक तथा कर्मचारीका लागि कुनै धार्मिक वा सामाजिक गतिविधिमा सक्रिय हुनुपर्ने समय छ ।

यो साताको परोपकारी कामले भविष्यमा फाइदा हुनेछ । सातौं भावको मालिक सूर्य स्वयं तपाईंको राशिमा विराजमान हुनुहुन्छ, त्यसैले गृहिणीहरुका लागि मनमा प्रेम, रोमांस, संगीत आदि विषयको झुकाव बढ्ने समय हो । आफ्नो रूपविन्यास र साजसज्जामा ध्यान केन्द्रित हुनसक्छ । ७ गतेपछि पञ्चमेश शुक्रले पनि तपाईंकै राशिको भ्रमण गर्ने हुँदा विद्यार्थीहरुका लागि पनि यो महिना उत्तम रहने छ । परीक्षारप्रतियोगितामा विजय हुनेछ । व्यवसायीहरुका निमित्त कुनै नयाँ व्यापारमा आकर्षण छ भने व्यवसायमा लगानी बढाएर आम्दानीका स्रोतमा बृद्धि गर्न सक्नुहुन्छ । बाह्रौं भावमा उपस्थित राशिस्वामी शनिदेवको उपासना र मन्त्रजाप गरेमा सबै किसिमका दुष्प्रभावको नाश गर्न सक्नुहुनेछ । यसका लागि शिव स्तोत्र वा शनि स्तोत्रको पाठ गर्नु पर्छ साथै निलम रत्न वा शनि यन्त्र धारण गर्नु पर्छ । सामान्यतया यस महिनाको ०७, ०८, ०९, १६, १७, १८, २५, २६ र २७ गते तपाईंका लागि अशुभ रहने छन् ।

मीन (दि, दु, थ, झ, ञ, दे, दो, च, चि)
यो महिना तपाईंको राशिबाट बाह्रौं भावमा सूर्यले भ्रमण गर्ने समय हो । यस अवधिमा खासगरी घरबाहिर बस्ने वा विदेशमा बस्नेहरूले उन्नतिप्रगति गर्नसक्ने र आयमा बृद्धि गर्ने समय हो । स्वदेशमा नै रहेका जातकहरूले पनि विदेश जाने योजना बनाउँदै हुनुहुन्छ भने प्रयास गर्न अनुकूल समय हुनेछ । जागीरको सिलसिलामा घरबाहिर हुनुहुन्छ भने प्रयास गर्नुहोस् तपाईंको घरपायक सरुवा हुनसक्छ । यो वैवाहिक जीवन र प्रेमसम्बन्धका लागि सामान्य समय छ । छात्रछात्राले शैक्षिक उद्देश्यले वैदेशिक यात्राका निमित्त प्रयास गर्ने समय हो । छैटौं भावमा सूर्यको पूर्णदृष्टि हुने भएकाले यस अवधिमा मुद्दामामिला वा झैझगडाजस्ता क्षेत्रमा विजय प्राप्त गर्नुहुनेछ, यो शत्रुहरूमाथि प्रभुत्व जमाउने समय हो । याद गर्नुहोला, बाह्रौं भाव खर्चको घर हो ।

अनावश्यक खर्चमा नियन्त्रण गर्नुहोला, नत्र कुनै ठूलै आर्थिक संकटको परिस्थिति सिर्जना हुनसक्छ । यो धनसम्पत्तिको थैलो कसेर राख्ने समय पनि हो, लापरवाही गर्दा गहनागुरिया वा रुपैयाँपैसा चोरी हुने खतरा छ । यस अवधिमा क्षणिक आवेग र उन्मादलाई नियन्त्रण गर्नु बेस हुनेछ । त्यस्तै व्यक्तिगत स्वास्थ्यका बारेमा लापरवाही नगर्नु होला, टाउको दुख्ने वा ज्वरोजस्ता समस्याले दुःख दिनसक्छ । यो तपाईंको राशिस्वामी बृहस्पति ग्रहले लाभ भावमा भ्रमण गरेको समय हो । त्यसैले गोचरमा अशुभ प्रभाव देखिए पनि अत्तालिई हाल्ने परिस्थिति बन्नेछैन ।

तपाईंका लागि लग्नेश र दशमेश दुबै ग्रह बृहस्पति हो र अहिले बृहस्पतिले लाभ भावको यात्रा गरेको देखिन्छ । त्यसैले यो महिना श्रमिक तथा कर्मचारीका लागि व्यक्तित्व विकास वा शैक्षिक योग्यता बृद्धि गर्न प्रयास गर्ने समय हो । त्यस्तै गृहिणीहरुका लागि परिवारमा कुनै माङ्गलिक कार्य सम्पन्न हुने वा उक्त कार्यको योजना बनाउने समय हो । पञ्चमेश चन्द्रमाले महिनाको पहिलो दिन बाह्रौं भावमा यात्रा गरको हुँदा यो महिना विद्यार्थीहरुका लागि सोच्दै नसोचेको विषय वा क्षेत्रमा मन केन्द्रित हुने समय छ । वैदेशिक यात्राको योजना बनाउनु भएको छ भने प्रयास गर्नुस् सफलता हात पर्नेछ ।

व्यवसायीहरुका निमित्त यो महिना आकस्मिक रूपमा खर्च बढ्ने समय छ । कारोबारमा झट्ट अर्काको विश्वास गर्ने समय होइन, सहयोगीमाथि पनि पूर्ण भरोसा गर्ने समय छैन । बाह्रौं भावमा बसेका सूर्यदेवको उपासना र भक्तिमा जोड दिएमा यो महिना पनि अन्य महिना झैं शुभकारक बन्नसक्छ, त्यसका लागि केसरी वा रातो टीका लगाउँदा, सूर्य गायत्री, आदित्य हृदय स्तोत्रको पाठ गर्दा, सूर्य कवचको पाठ गर्दा र भगवान् विष्णुको नियमित पूजा आराधना गर्दा दुष्प्रभावहरू नष्ट हुन्छन् । खासगरी तपाईंका लागि यस महिनाको ०१, ०२, ०९, १०, ११, १८, १९, २०, २७, २८ र २९ गते अशुभ रहने भएकाले ती दिनमा धैर्य, अनुशासित र संयम हुनु वाञ्छनीय छ ।


Last Updated on: February 14th, 2021 at 7:37 am
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
३३१ पटक हेरिएको

तपाईको प्रतिक्रिया