सोमबार ०७ आषाढ २०७८

बलिउडकी सदाबहार अभिनेत्री रेखाको जीवन कहानी निकै दुखदायी छ । उनको बालापनदेखि लिएर वैवाहिक जीवन पनि उनको पीडादायी छ । यद्यपि, उनले आफ्नो करियरमा समेत ठूलो सफलता हासिल गरिन् । साउथ फिल्मका चर्चित अभिनेता जेमिनी गणेशन र चर्चित अभिनेत्री पुष्पावलीकी छोरी रेखाको सम्बन्ध आफ्ना पितासँग कहिल्यै राम्रो भएन । उनी आफ्ना पितालाई घृणा गर्छिन् । पिताप्रतिको घृणा कै कारण उनी उनको अन्तिम संस्कारमा समेत सामेल भइनन् ।

रेखाले कहिल्यै आफ्ना पिताको थर आफ्नो नामको पछाडि जोडिनन् । पिता साउथका किंग अफ रोमान्स का नामले चिनिन्थे । उनका पिता गणेशनसँग विवाहभन्दा पहिले नै उनकी आमा पुप्षावली गर्भवती भइन् र रेखाको जन्म भएको थियो । उनका पिताले चारवटा विवाह गरे तर रेखाकी आमालाई कहिल्यै पत्निको दर्जा दिएनन् ।

पारिवारिक अवस्था नाजुक भएका कारण रेखाले १३ वर्षको उमेरमा नै काम सुरु गरिन् । सुरुवाती दिनमा उनले तेलुगु फिल्ममा डि ग्रेडको काम गरेकी थिइन् । रेखाको जन्मपछि फिल्म क्षेत्रबाट हात झिकेकी पुष्पवलीले रेखालाई फिल्म क्षेत्रमा स्थापित गर्न धेरै मेहनत गरिन् । रेखाका पिताले उनलाई सजिल्यै फिल्म क्षेत्रमा ल्याउन सक्थे तर उनले कहिल्यै रेखालाई मद्दत गरेनन् त्यसबेलादेखि रेखाले पितालाई घृणा गर्न थालिन् ।


Last Updated on: February 14th, 2021 at 10:59 am
युज यस न्युज पोर्टल मा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।
२३६ पटक हेरिएको

तपाईको प्रतिक्रिया